Indre Sunnfjord Turlag er ein av mange som er med på å merke og vedlikehalde stiar i våre områder. Eit tryggleiksteikn på at det er vi som har vore på ferde er den raude T'en. UT.no er vår felles plattform for turforslag, turmål og hytter.
Kvart år inviterar vi til deltaking på TiTur Sunnfjord (1.april - 31.oktober) og TiTur Dalsfjorden (1.mai - 1.oktober). Ved å delta på TiTur får du god trim, flotte naturopplevingar og moglegheit for å vinne premiar!
Bli med på TiTur Sunnfjord i perioden 1.april -31.oktober. Målet er å "sjekkUT" 10turmål i heile kommunen. Alle som fullfører er med i trekninga av gåvekort gitt av Erdal Sport! Deltakarpremie til DNT-medlem.
Titur Dalsfjorden plukkar ut 10 flotte turmål i Askvoll og Fjaler som er klar for å bli "sjekka UT". Frå 1. mai t.o.m. 1. oktober har du høve til å bli kjend med mange av dei flotte turområda i nærområdet vårt. Deltakarpremie og trekning av gåvekort!
Kvar månad set Barnas Turlag Førde, Barnas Turlag Askvoll og Barnas Turlag Fjaler ut kvar si raude turbopostkasse. Postkassen finn stad på eit nytt turmål frå den 1. i kvar månad. Skriv deg inn i boka og bli med i trekninga av flotte premiar!
Indre Sunnfjord Turlag har turforslag og turmål i Askvoll, Fjaler og heile Sunnfjord Kommune (som omfattar områda Førde, Naustdal, Jølster og Fosseheimen- Gaular). I UT appen kan du finne drøssevis av turforslag i ulike områder og med ulik vanskegrad. Her er lenke til vår profil, der du kan søkje i alt vi har lagt ut.
Tek du eit fint bilete, oppdagar feil eller har forslag til utbetring av turbeskrivelse tek vi i mot med stor takk!
