Indre Sunnfjord Turlag er eit av 14 lokallag tilknytta DNT Sogn og Fjordane. Vi har omlag 1800 medlemmer og dekker i utstrekning heile Sunnfjord kommune i tillegg til Fjaler og Askvoll.
Vi arrangerer årleg 100 - 150 turar og aktivitetar, og har eit stort utval av fellesturar både sommar og vinter. På turane våre får du følgje med ein turleiar som tek ansvar for vegval og orientering undervegs, sikrar pausar og hyggjeleg stemning. Vi driftar dei tre hyttene Longevasshytta, Nipebu og Massbu som er eit turmål i seg sjølv. I tillegg merkar og vedlikeheld vi turstiar slik at du på eiga hand har gode føresetnader for å nå nye turmål på ein trygg måte.
Publisert: 05. mai 2023 Skrevet av:
Hege Mundal
Om DNT
Administrasjon
Organisasjonsnr
981 428 544
Postadresse:
Postboks 488, 6803 Førde
Kontor:
Langebruvegen 9, 6800 Førde. Kontoret er vinteren 2025 ope for besøkande tysdagar og onsdagar 11- 15.30. Stengt i påsken. Ta kontakt om du har behov for møte utover dette.
Kontonummer: Vipps:
3705.08.38995 88239
Telefon:
413 37 213. Vi set pris på å bli kontakta i kjernetid måndag- torsdag mellom kl. 9 - 15.
Indre Sunnfjord Turlag sin logo med landemerket "storehesten"
Medlemskap i lokallaget
Du treng ikkje vera medlem for å vere med på fellesturane eller nytte hyttene våre, vi ynsker alle velkomne. Likevel er medlempengane viktig for at vi kan fortsette drifta vår, skape aktivitet og utvikle oss som helsefremjande organisasjon i lokalmiljøet.
Dersom du melder deg inn i DNT vil du automatisk tilhøyre IST dersom du bur i kommunane Sunnfjord, Fjaler eller Askvoll. Du kan også be om at medlemskapen din vert knytt til IST sjølv om du bur andre stader i landet. Sjå meir om medlemsfordelane dine her.
Vilkår for turdeltaking:
Sjølv om vi stiller med dyktige turleiarar, er du som deltakar med på eigen risiko. Du må sjølv sørge for tilstrekkeleg med utstyr, og ha gyldig reiseforsikring. Det er ditt ansvar å ha den kompetansen turen krev. Dersom du er usikker på dette skal du ta kontakt med turleiar for nærare avklaring. Sjå meir om DNT's genrelle vilkår for deltaking.
Indre Sunnfjord Turlag vart skipa i 1971 og vart det første turlaget i dåverandre Sogn og Fjordane fylke. I oppstarten hadde IST fem tillitsvalde, i dag er talet over 40. Dei tillitsvalde er fordelt på seks undergrupper; Barnas Turlag, DNT Ung, Hyttestyre, Sti- og merkenemnd, Bre- og fjellsportgruppe og seniorgruppe.
Aktiviteten til laget har utvikla seg i takt med tida og ynske frå medlemmene og befolkninga. I starten var det turar og hyttebygging. Breturar og skiturar var vanlegast, og dei som drog mest folk. Dei seinare åra har stimerking og rydding og vedlikehald vorte meir og meir etterspurt. Tendensen er at folk ynskjer å gå på tur i mindre venegrupper/familiegrupper og når det høver bestfor dei sjølve, ikkje som før med fellesturar i store grupper.
Indre Sunnfjord Turlag arbeidar for å henge med i utviklinga av friluftslivet til beste for medlemmene.
Ingebjørg Erikstad
