Indre Sunnfjord Turlag driftar tre DNT-hytter - desse er eit turmål å besøke i seg sjølv. Ved hyttene våre kan du for eksempel bade, fiske, padle, gå fotturar, lage god mat, utforske turområder rundt, kople av og nyte naturen😍
Både tilsyn og drift er på dugnad. Våre ivrige eldsjeler sørger for at hyttene er i god stand og klare til å ta i mot gjester heile året. To av hyttene våre, Longevasshytta og Nipebu, har eit rikhaldig proviantlager slik at du ikkje treng bere så tung sekk.
Alle er velkomne til å besøke og overnatte på hyttene våre. Det er alltid rom for drop-in, men det er også mogleg å førehandsbooke seng om ein ynskjer.
Avbestilling skjer på nett eller til den foreininga som eig hytta. Ved avbestilling gjevast full refusjon inntil 5 dagar før ankomstdag, mindre enn 5 dagar før ankomst gir ingen rett til refusjon.
Dersom du ynskjer avbestille seinare enn 5dagar før ankomst og meinar du har sakleg grunn kan du ta kontakt med oss i Indre Sunnfjord Turlag. Vi utøver skjønn og har m.a. moglegheit for å finne ny dato.
Gapahukar - for alle heile året!
Indre Sunnfjord Turlag står som eigar av to gapahukar som er opne for alle heile året. Desse eignar seg til overnatting i køye eller på benk, eller som base for eit godt måltid. Hugs å rydde fint etter deg, sløkkje eld og ta med bosset ditt heim.
Gapahuk ved Dagsturhytta Gytta på Vie, Førde. Foto: Hege MundalGapahuk i Askdalen, Askvoll. Drifta av Barnas Turlag Askvoll. Foto; Isaac Lone
Hyttebesøket fra A til Å
De fleste av hyttene til DNT er selvbetjente (med proviant) og ubetjente hytter (uten proviant). Her får du vite hva du må tenke på før du drar på hyttetur til en hytte uten betjening.
