Turtrimmen 2023 skal motivere til turgåing og gode naturopplevingar. Turpostane er spredt rundt i heile gamle «Flora kommune» og tilliggande kyst- og fjellområde. Turtrimmen er over for i år.
Oppsummering 2023 Mange har vore med, og de har gjort ein kjempeinnsats. Her finn de oversikt over året: 2023 Turtrimmen - resultat (1).xlsx. Premieringa kjem i forkant av årsmøte. Men, vi kan gratulere Jofrid Sundal med å ha besøkt 149 steder av 172, og Ove Hatleset med 114 steder av 172. I tillegg har Jofrid 500 innsjekk, etterfulgt av Torbjørn Nilsen med 466. Godt jobba!
Om turtrimmen Det er 25 turpostar med ulik vanskegrad, 5 av turpostane er lettare turar og passar som familie/bornturar.
Registrer turposten ved å sjekk inn på: ut.no, DNT si digitale turbok. Du kan bruke både nettsida og appen (gamle SjekkUT er ein del av denne). Nokre av turpostane har vert brukt tidlegare og du kan ha besøkt dei. Du må registrere besøket på nytt i tidsrommet for Turtrimmen 2023 for å bli registrert i statistikken vår.
Ønsker du å bruke skjema eller ikkje får sjekka inn på ut.no kan skjemaet levarast inn på e-post til Flora Turlag: floraturlag@gmail.com. Noter namn, e-post, mobilnummer, alder på born og dato før du sender det inn.
Premiering
Born under 12 år er med i trekninga av premiar ved å ha teke 6 postar.
Vaksne er med i trekningen av gåvepremiar ved å ha teke minimum 12 postar.
Det vert også premiar til dei som har tatt alle 25 turpostane samt trekking av premiar blant dei som har tatt 12-24 turpostar.
Registreringsskjema og innlevering
Du kan registrere dine turar ved å bruke DNT si digitale turbok "ut.no" - både som app og nettside.
Ønsker du å bruke registreringsskjema, finn du det: Skjema 2023
Registreringsperioden er frå januar til og med oktober 2023
Frist for innlevering av registreringsskjema er 31. oktober 2023
Om turane
Oppgjeve turtid er gangtid – så legg til tid for pausar. For spørsmål om turane kontakt Astrid Eliassen (tlf 415 49 299).
Turbeskrivingar kan ein finne på Flora Turlag si gruppe på ut.no. Disse kan du laste ned offline, og slik blir dei lett tilgjengeleg på din mobil med eller utan dekning.
Turområda finn ein på følgande kartblad i 1: 50 000 kartserien: Norges-serien Nordeca 10061 Florø og 10062 Ålforbreen dekker omtrent heile vårt turområde.
Ønsker du å gå saman med andre, kan du bli med på turlaget sine fellesturar.
Ferdeselsrett og ferdselsvett fylgjer hand i hand - meir om allemannsretten og friluftslova finn du på http://www.dirnat.no/
Planlegg turen før du legg i veg og velg tur etter evne og forhold.
