Våre hytter

Flora Turlag har 4 hytter, og alle er ubetjente. Velkommen til Gjegnabu, Blåbrebu, Kinn og Børabu. Mens hytta på Kinn ligg på ei øy i havgapet ligg Gjegnabu og Blåbrebu i det flotte fjellområdet rundt Ålfotbreen. Desse to hyttene vert brukte både som sjølvstendige hytter, og som ein del av vest-aust ruta «Frå hav til bre». Denne ruta startar frå anten Årebrot eller Botnane i vest, og går via Blåbrebu og Gjegnabu til Hyen. Børabu er vårt nyaste tilskudd i hyttefamilien og åpna 2022. Hytta ligg idyllsk til under majestetiske Haukåbøra, og blir drifta saman med SFE som eigar.

Vi jobbar med å få på plass digital booking på hyttene. Enn så lenge kan de nytte kontaktinformasjonen som står under kvar hytte. ​​​​​​​

Velkomne til våre flotte hytter!