7 fjellsturar Indre Sunnfjord Turlag

Har du lyst å gå ein skikkeleg lang og krevjande fjelltur har du sjansen til å prøve deg på 7-Fjellsturen i Førde. 

Dette er ein lang og seig tur som fleire og fleire ønsker å prøve seg på. Dei aller fleste som startar klarar å gå heile runden: Fureviknipa (750moh.), Skinnbroka (820moh), Fauskevarden (853moh), Halbrendsnipa (801moh), Hafstadfjellet (706moh), Viefjellet (709moh) og til slutt Førdsnipa (863 moh). 

Nesten fire mil, ca 3000 høgdemeter og mellom 14 og 15 timar etter at ein startar er vi nede att i Førde, i Grovene. For ein ekstra motivasjon til siste kneika vert det servert pizza og brus ved Ryggjabrua.

For dei som tenkjer at dette blir i meste laget, kan møte opp og gå deler av turen. Fire, fem eller seks fjell, dette vel du sjølv.  Finn fram fjellskoa, pakk mat og drikke i sekken og bli med!

Vi reiser frå Festplassen i Førde kl.07.00. Vi ordnar med fellestransport til Kråkenesmarka. Møt opp i god tid!

Turen er merka som ekstra krevande grunna lengde og totalt antal høgdemeter, ingen spesielt luftige parti eller parti med utsatt klyving o.l.

Turen vert 15.juni 2024. Turen har deltakaravgift og krev påmelding her; 

7 toppar på 700 meter på 7 timar, ca 22 km.
Det er ikkje sett dato for turen i 2024.

Parkering og start på Sanden i Naustdal . Bratt opp til toppen av VINDKJEGLA ( 688 moh ) Vidare mot Fjellsenden og så oppover mot dagsturhytta Steinkorshytta som ligg ca 300 meter sør for toppen av STEINKORSEN ( 762 moh ) Ved dagsturhytta kan det passe med ein lengre pause.

Frå Steinkorsen fortset vi slakt vestover mot BLÅFJELLET ( 791 moh ) Her er turen sitt vestlegast punkt . Herifrå går vi same vegen tilbake og klyv opp til toppen av BYGDAHAUGEN ( 777 moh ) . Frå Bygdahaugen fortset vi same vegen austover før vi svingar av den merka stien og går opp mot ØRNEHAMRANE ( 712 moh ) Lengre pause her ? Frå Ørnehamrane kryssar vi « Hulda » og går mot SKEISKNAUSEN ( 726 moh ). Frå Skeisknausen dreiar vi sørover og kjem til siste toppen som er LIAFJELLET ( 622 moh ) Frå Liafjellet går vi nedover og hamnar etter kvart på skogsveg og føl den ned til skogsbilvegen Solsidevegen. Vi går Solsidevegen vestover til Naustdalslia og går kommunal veg ned til Sanden i Naustdal sentrum.

Det er godt mogeleg å gå delar av turen dersom ein ikkje ynskjer å gå heile turen.

7 fjellsturen i Askvoll er 13,9 km lang og har 1248 høgdemeter stigning. Turen er merka som krevjane og tek normalt 7-8 timar.  
Denne 7fjellsturen er ein rundtur som startar og endar ved kyrkja.

På vegen skal ein innom:

Blåfjellet (533moh) , Siktanuten (464moh), Hjartåsen (516moh), Steinheia/Smørkletten (524moh), Eggene (496moh), Kultingane (456moh), Fristadfjellet (476moh)

Turen går 1.mai kvart år.