Årets 5-/7-Fjellstur på Bømlo

7-/5-FJELLSTUREN PÅ BØMLO, 11. Mai

Nytt av året er at turmarsjen går motsatt veg, med målgong på Bremnes.

7/5-Fjellsturen er vårens vakraste turmarsj på Bømlo og blir arrangert kvart år av Bømlo Turlag, andre søndag i mai. For første gong vil deltakarane i år, etter registrering, fortløpande bli transportert til Grøvle og Ersland med målpassering i sekretariatet på Bremnes. Deltakarane på 7-fjellsturen fylgjer ein dagsmerka løype over dei 7-toppane: Siggjo-Furufjellet-Tormodsætersåta-Vardafjellet-Ljosurfjellet-Grimsfjellet-Store Melandssåta. Turen er tilsamen 18 km og har ein stigning på 1433 meter. Deltakarane på 5-fjellsturen går dei siste 5 toppane, mad start frå Ersland. 

Deltakarane som går alle 7 fjell, får forfriskningar og vatn på Ersland gard. Det vert også drikke og forfriskningar i målområdet ved Maurtua Barnehage for alle deltakarane.

FAMILIE: Du kan løysa familiebillett i sekretariatet. Då betaler du for to vaksne og eigne barn/barnebarn under 16 år, er inkludert.

SLIK KAN DU KJØPA STARTKORT TIL 7/5-FJELLSTUREN PÅ BØMLO

Du kjøper startkort på mobilen i trimpoeng-appen når du skal gå sjølv og Du registrerer inn fjelltoppane på eigen mobil. Skal du gå saman med fleire utan eigen mobil, må du kjøpe startkort til deltakarane utan eigen mobil på nett. Det er og mogleg å kjøpa startkort i papir isekretariatet og få klipp som i "gamle"-dagar.

7 Fjells:
1. steg: KJØP STARTKORT TIL DEG SJØLV i TRIMPOENGAPPEN. Etter å ha lasta ned appen på telefonen din og registrert deg. Søkjer du i konkuranser etter 7-Fjellstur på Bømlo

5 Fjells:
1. steg: KJØP STARTKORT TIL DEG SJØLV I TRIMPOENGAPPEN. Etter å ha lasta ned appen på telefonen din og registrert deg. Søkjer du i menye konkuranser etter 5-Fjells tur på Bømlo

_______________________________________________________________________

Skal du kjøpa start kort til andre enn Deg sjølv? Eller til fleire som ikkje har eigen mobiltelefon? Slik kjøper du start kort til årets 7/5-Fjellstur.

7 Fjells:
2. steg: KJØP STARTKORT TIL DELTAKERE SOM IKKJE HAR EIGEN MOBIL PÅ NETT HER 

5 Fjells:
2. steg: KJØP STARTKORT TIL DELTAKERE SOM IKKJE HAR EIGEN MOBIL PÅ NETT HER 

Me håpar dei aller fleste kjøper startkort på mobilen, men ynskjer Du likevel å kjøpa startkort i papir? - da er dette mogleg i sekretariatet søndag morgon.

Dette er ein turmarsj, med ikkje alt for uoverkommelege fjell, men er likevel utfordrande nok for dei fleste i det kuperte Bømla-terrenget. Naturen vekslar frå lynghei, furu/gran skog til fjellterreng. Fantastisk utsikt frå Siggjo over heile Sunnhordland. Rundt 300 deltek årleg. For å delta må du lasta ned appen

på telefonen din. Her registrerer du start og alle insjekk , samt målgang. Påmelding og betaling skjer også via appen eller direkte i sekretariatet ved start.