Kajakk

Luster Turlag har to kajakknaust, et på Eikjastrondi i Marifjøra og et på Feigesagi - under Feigefossen.

Leige av kajakk

Det går dessverre ikkje an å forehandstinge kajakker, her er det "først til mølla" prinsippet som gjelder. Alle kajakkane er sjelden utleigd på likt, så berre kom og sjå om dei er ledig!

Hugs å registrer deg på lista før du drar ut på vatnet.

Dersom spørsmål kontakt Einvald S. Erichsen tlf 91 51 68 19.

Pris

Medlemmar i Luster Turlag/DNT	50 kr per tur
Ikkje-medlem	200 kr per tur

Kajakknaustet på Eikjostrondi i Marifjøra

Me har i dag 10 single kajakkar og 3 doble kajakkar. Kajakkane har ror som vert styrt av pedalar. Desse pedalane kan ein justera etter kroppslengde. Gjer dette medan du ligg ved land.

Nauset i Marifjøra er låst med DNT-nøkkel.

Kajakknaustet på Feigesagi

På Feiga er det 5 kajakkar - 3 store og 2 små. Nauset på Feigesagi er låst med DNT-nøkkel.

Regler for leie av kajakk

For eigen tryggleik har me sett opp nokre reglar for bruk av kajakkane.

For urøynde padlarar gjeld dette

Padle aldri åleine.
Hald dykk nære land.
Bruk tørrdrakt dersom vasstemperaturen er lågare enn 10ºC.
Ta alltid med eit sett turre kle i lasterommet på kajakken.
Unngå å padle i kraftig vind.

Dette gjeld for ALLE som nyttar kajakkane

Bruk flytevest.
Bruk tørr/våtdrakt ved låge vasstemperturar.
Dersom du padlar åleine må du kunne eigenredning, ha med pumpe og årepute.
Skriv namnet ditt på lista, kva kajakk du nyttar og kor du har tenkt deg.
Legg utstyret slik du fann det og lås naustet etter deg.
For padling med born: Born skal nytte redningsvest (med krage). La borna padle foran ein vaksen.

Padling er ein flott aktivitet, men det kan også vera farleg. Den største risikoen er knytt til å gå i vatnet og verta nedkjølt. Nedkjøling i vatn tek berre nokre minuttar slik vasstemperaturen er haust, vinter og vår. Bruk difor tørrdrakt ved låge vasstemperaturar! Det er viktig å læra seg korleis du raskt kjem opp att i kajakken etter ein velt. Eigenredning og kameratredning kan du læra på kurs eller øve på sjølv ein sommardag.