Eit nytt tilskot til Vossamarsjen er Minimarsjen til Torfinnsheim med Borna sitt Turlag. Dette er ein vesentleg kortare tur enn heile marsjen over Gråsida og turen passar soleis godt for barnefamiliar!
Publisert: 04. oktober 2023 Skrevet av:
Margrethe Alm
DNTs tilbud
Minimarsjen er avlyst Grunna vermeldinga på laurdag, blir diverre Vossamarsjen, fjellspringing og Minimarsjen avlyst. Regn, vind og låge temperaturar i høgfjellet gjer at det ikkje er forsvarleg å gjennomføra arrangementet.
Hodnaberg - Torfinnsheim tur/retur
Laurdag 17. august 2024 arrangerer me på nytt Minimarsjen frå Hodnaberg til Torfinnsheim. Mesteparten av stigninga er i starten av turen, siste halvdel flatar det ut. Hausten 2022 vart deler av det brattaste partiet utbetra med sherpatrepper. Turen til Torfinnsheim er om lag 2 km ein veg og har totalt 300 høgdemeter.
Ved hytta står representantar frå vår gode samarbeidspartnar, Voss Sparebank, klare med noko søtt å eta.
Turbo var på plass på Torfinnsheim i 2023. Kjem han i år også?
Ved Torfinnsheim blir det frileik og sosialt samvær før me går nedatt til Hodnaberg.
Minimarsjen vert leia av turleiarar frå Borna sitt Turlag. Sjølv om det er 300 meter stigning og nokre bratte parti, er dette ein tur dei fleste klarar. Med god motivasjon frå kvarandre, natursti og litt godis på vegen, samt diplom på toppen kjem dette til å bli ein strålande dag saman.
Natursti på vegen opp til toppen. Godt for motivasjonen!
Diplom
Alle borna som blir med får diplom på toppen
Ta med
Hugs gode sko, vass- og vindtette klede, lue og vottar, samt mat og drikke for dagen.
Praktisk informasjon
Snart på toppen! Og der ventar sjølvaste Turbo!
Dato: Laurdag 17. august 2024
Buss: Det går buss frå Holbergsplass kl. 10.30, med retur frå Hodnaberg om lag kl. 15.30.
Privatbilar: Dersom de vel å køyra privatbilar oppmodar me til samkøyring. Det er mykje aktivitet og bilar ved Hodnaberg, så vêr obs på korleis du parkerar slik at det vert plass til flest mogleg og at ein ikkje stengjer nokon inne. Om ein køyrer privatbilar, er det oppmøte kl. 11.00 på Hodnaberg.
Hugs at på alle arrangement i regi av Borna sitt Turlag har foreldra ansvar for borna sine.
Arrangementet er gratis og ein treng ikkje vera medlem i DNT/Voss Utferdslag for å vera med. Hald av datoen allereie no!
