Trivst du best med full fart opp og ned fjellsidene? Her er ein aktivitet som funkar fjell – i alle vindforhold! Fredag 21. juni går startsskotet for Ekstremstølsveko. Her er det om å gjere å gå flest stølsturar innan fredag 28. juni kl. 12.
Publisert: 15. april 2024
DNTs tilbud
Dette treng du 1. Du treng eit stølsturhefte som du kan kjøpa mange stader på Voss 2. Du kan henta ut eit deltakarkort i Turistinformasjonen hjå Visit Voss. Dette kan du henta ut f.o.m torsdag 20. juni kl. 12.00. Du kan også lasta ned og skriva ut deltakarkortet sjølv om du ynskjer det.
Deltaking - På deltakarkortet som du får hjå Turistinformasjonen skriv du inn dato/starttida di ved parkeringa på fyrste stølstur. - Du klypper i deltakarkortet på alle stølane. - Ved parkeringa etter siste stølstur skriv du inn dato/slutttid. - Du vel sjølv kva rekkjefylgje du vil gå/springa til stølane. - Dette er basert på tillit: juks er kjipt - den du lurar mest er deg sjølv.
Innlevering av deltakarkort - Lever så deltakarkortet ditt i postkassa til Voss Utferdslag ved inngangsdøra til Tre Brør innan fredag 28. juni kl. 12.00
Premiar til vinnarane Den/dei som fullfører alle turane raskast får premiar på premieutdelinga til Ekstremsportveko i teltet fredag 28. juni
Du treng ikkje vera registrert utøvar på Ekstremsportveko for å vera med på dette arrangementet.
