Me ynskjer å bidra til varige og positive haldningar til naturen gjennom leik og sosialt samspel. Turane er opne for foreldre/føresette, sysken, besteforeldre og andre interesserte.
Frå Kom deg ut-dagen vinteren 2023
Det skal være låg terskel for å bli med på turane våre, og innflyttarar og familiar med lite nettverk er særskilt velkomne. På turane går me til fots, me padlar i kano, syklar, er kanskje utkledde, på skattejakt, og lærer om naturen og kva den har å by på.
Me har i tillegg eit trilleturlag med eige turprogram som går på tur med vogn, pulk eller bæremeis/ bæresele.
"Klart det går - friluftsliv for alle" er no ein del av Borna sitt Turlag. Kvart år vil me leggja til rette for aktivitetar i naturen for alle. På programmet her skal det være turar og arrangement som også dei som ikkje vil eller kan gå så langt kan delta på.
Turbo dukkar opp på mange av arranementa våre!
Gjennom året vil me ta med andre ut i naturen for felles samvær. Gjerne med ein god matbit, litt leik, og prøving av aktivitetar. Eit tilbod for heile familien, liten og stor, sprek og mindre sprek.
