Forrige helg avslutta overnattingkurset for ungdom med ein telttur i nærleiken av Torfinnsheim.
Publisert: 26. juni 2025 Skrevet av:
Sofie Hagland Børseth
Turreferat
Foto: Sofie Hagland Børseth
Etter to kveldar med trening på kart & kompass i Storåsen og matlaging på primus og bål på Prestegardsmoen, var det kjekt å få prøva seg i høgfjellet.
Kurshaldar, Sofie Hagland, tre styremedlem fra Dnt Ung, samt tre av deltakarane fra kurset gikk laurdags formiddag opp lia fra Hodnaberg til Torfinnsheim i strålande solskin.
Etter lunsj ved Torfinnsvatnet var det deilig med ein lur i solsteika, før me gjekk ein tur i nærområdet for å øva på kartlesing og kompasskurs.
Til middag smakte det ekstra godt med fajitas, etterfylgt av kakao og marshmellows grilla på primus.
Me satt oppe til kl. 22 og nøyt solnegangen. Ein heilt magisk dag!
Neste morgon var det litt delte meiniger om korleis deltakarnes fyrste natt i telt (nokonsinne!) hadde vore. Regnet lot venta på seg, så me skynda oss med å pakka samans telta mens dei fremleis var tørre.
Vinden sto på og etterkvart tok regnbøyene oss igjen. Då var det fint å kunne laga pannekaker med bacon og blåbærsyltetøy i le framfor hytteveggen. Kurshaldar hadde klart å gløyma smøret, men me kan rapportera at baconfett funker om ikkje betre!
Etter frukost blei det ein liten tur med meir øving på kart & kompass opp rundt Haugane, før turen gikk nedover mot Hodnaberg igjen.
