På styremøtet 15. september delte me ut æresmedlemskap til Bjørn Grande.
Publisert: 16. september 2025
Nyheter
Foto: Ørjan Brattetveit. Bilete er frå då Bjørn Grande fekk utdelt Voss Sparebank sin eldsjelpris i 2015.
Æresmedlemskap er Voss Utferdslag si høgste utmerking. Dette heidersteiknet går til den som har hatt tillitsverv i laget i 25 år eller meir, eller har utmerka seg gjennom dugnad og frivillig arbeid for laget i over 25 år.
Bjørn Grande har gjort svært mykje for Voss Utferdslag. Han har teke på seg mange viktige oppgåver - både fordi han vart spurd, men også like mykje på eige initiativ. Han har lagt ned uttallige timar frivillig arbeid for fellesskapet - til stor glede for oss alle.
Me takkar Bjørn for den heilhjarta innsatsen han har lagt ned i laget.
Foto: Ørjan Brattetveit. Bilete er frå då Bjørn Grande fekk utdelt Voss Sparebank sin eldsjelpris i 2015.
