300 000 kr til kompetanseløft frå Sparebankstiftelsen SR-Bank
Me er svært takksame for den rause gåva frå Sparebankstiftelsen SR-Bank! Prosjektmidlane skal nyttast til å halda fram det gode arbeidet med å utdanna nye turleiarar, samt heva kompetansen til turleiarane våre innan fyrstehjelp og skred.
Publisert: 20. desember 2024
Nyheter
Foto: Sofie Hagland Børseth
Med støtta frå Sparebankstiftelsen SR-Bank får Voss Utferdslag handlingsrom til å halda fram med å heva kompetansen i organisasjonen.
Dette er måla for 2025 og 2026:
Kursa så mange av våre frivillige turleiarar som mogleg i NF (Norsk Fjellsportforum) fyrstehjelpskurs
Kursa vinterturleiarane våre i NF grunnkurs skred
Arrangera grunnleggjande turleiarkurs og sommarturleiarkurs for nye turleiarar.
Samarbeida med Raude Kors om beredskapsøvingar
Arrangera faste turleiarkveldar med fagleg påfyll, opplæring, erfaringsutveksling med meir.
Strengare krav til tryggleik Bakgrunnen for kompetanseløftet er eit stadig større fokus på risiko og krav til tryggleik i samfunnet generelt, som òg friluftslivet er ein del av. Fellesturane i Voss Utferdslag er eit unikt tilbod basert på frivillige turleiarar som tek deltakarar med på tur.
Er du nyfiken på å ta turleiarkurs med oss - oppmodar me deg å ta kontakt. Me står klare med opne armar og vil gjerne ha deg med på laget!
– Me skal halda fram med å gje deltakarane gode opplevingar i naturen. Samstundes har tryggleiks- og kompetansekrav auka, noko me tek på alvor og jobbar aktivt med, seier Margrethe Alm, dagleg leiar i Voss Utferdslag.
- I tillegg har me eit stort behov for å få inn nye krefter i laget og vil i åra frametter også ha stort fokus på å utdanna fleire turleiarar. Er du nyfiken på å ta turleiarkurs med oss - oppmodar me deg å ta kontakt. Me står klare med opne armar og vil gjerne ha deg med på laget!
Med midlar frå Sparebankstiftelsen blir det mogelg å gjera dette ekstraordinære løftet som no er naudsynt.
