Sykkeltur frå høgfjell til fjord

Vi parkerte bilane på Maristova der turen starta. Etter at dei vanlege rutinane for turar var gjennomgått, fortalde turleiar om kongevegen over Filefjell, ferdsel over fjellet i gammal tid og om staden Maristova som har lange tradisjonar som turiststad.

Vi sykla for det meste den gamle riksvegen gjennom dalen for å unngå biltrafikken på E16. Nokre korte strekk måtte vi likevel følgja europavegen.

For dei som ønskjer å sykla strekninga på eiga hand, nemner eg traseen her:

• Frå Maristova: Den gamle riksvegen ned til Borlaug med to korte strekk der vi gjekk med syklane på grunn av trafikken på E16
• Frå Borlaug til Steinklepp: Den gamle riksvegen med eit kort strekk langs E16 
• Frå Steinklepp til Borgund stavkyrkje: Vi kryssa elva og følgde fylkesvegen til kraftstasjonen og så inn på den gamle riksvegen.
• Frå stavkyrkja til Bjørkum: Den gamle riksvegen.
• Frå Bjørkum til Saltkjelen: Skuldra på E15 ca 3 km (brei skulder)
• Frå Saltkjelen til Mo: Gjennom bustadsfeltet, så langs elva til brua over til Mo.
• Frå Mo til Tønjum kyrkje: fylkesveg 5430
• Frå Tønjum kyrkje 1 km oppover E16 over brua og så ned fylkesveg 271 forbi sjukehuset til Lærdalsøyri.
• Det er skilta sykkelveg fleire stader.

Vi hadde fleire stopp:

• Borlaug.
• Solum der vi såg på dei artige treskulpturane.
• Steinklepp der vi hadde ein lang matpause i det trivelege bakeriet i den gamle skulen der.
• Borgund stavkyrkje
• Vindhellavegen
• Husum hotell i sveitsarstil frå1835
• Gjelet ved den historiske ruta.
• Galdane ved den historiske tuta
• Bjørkum med info om arkeologiske utgravingar frå vikingtida
• Steinfiguren Jutlamannen
• Sjukehuset

 Turen gjekk svært fint. Einaste uhellet vi hadde var lekkasje i ein sykkelslange. Eigaren hadde med seg reserveslange slik det var anbefalt i turinvitasjonen.

Vi tok oss ikkje tid til å sjå på Gamle Lærdalsøyri denne gongen, men prioriterte å få tid til ein matbit på Villakssenteret før drosjen kom og køyrde  oss  og syklane tilbake til Maristova.

Turen var 53,5 km lang. Den starta på 813 m.o.h og enda på nær 0 m.o.h.  og vara i ca. 5,5 timar med alle stopp og pausar. 

 Sidan denne turen var ein sykkeltur der vi måtte sykla ein del strekk på E16 og så mange var med på turen, la vi stor vekt på at turen skulle bli så sikker som mogeleg. Turdeltakarane var svært flinke til å følgja påboda frå oss.

I evalueringa til slutt var deltakarane godt fornøgde med turen og opplegget.

Takk til turdeltakarane for triveleg samver og takk til Mads Wangensten som etter avtale, steppa inn som turleiar 2 då turleiar 2 blei opptatt under sykkelreparasjonen.