Tysdag 25. mars gjennomførte seniorgruppa årets fjellskitur med to påmelde deltakarar og to turleiarar. I samråd med deltakarane starta turen på Juvikåsen i Øystre Slidre. Veret vart finare enn varsla, og vinden blei slett ikkje så ille som vi frykta. Sola kom tidleg fram og gjorde snøen blaut. Men med fjellski seig vi ikkje langt ned i snøen.
Publisert: 31. mars 2025 Skrevet av:
Bjørn Vegar Johnsen
Turreferat
Over lange myrarFoto: Gunnar Modèn
Turen gjekk over slake høgder, over lange myrar og gjennom stølen Lislebufæten og enda til slutt ved utløpsosen i Hovsjøen.
Stopp på Lislebufæten - foto Bjørn Vegar Johnsen
Der var elva open langt nedover. Difor ble vi samde om å ikkje går lenger. Ved elvebredden fann vi ein lun plass der vi hadde ein lengre rast med mat, drikke og triveleg prat.
Utløpsosen frå Hovsjøen - foto Bjørn Vegar Johnsen
Turen tilbake til bilane gjekk litt lengre frå vassdraget, men gjennom Lislebufæten denne gongen også.
Denne turen eignar seg godt som vårtur.
Takk til deltakarane for triveleg tur og triveleg samver.
