Barnas Turlag er ei undergruppe av Lærdal Turlag som har ansvaret for turar og aktivitetar for born i alderen 0-12 år. Turbo Fjellrev er maskotten til Barnas Turlag. Han er ein blid liten rev som likar å vere på tur i fjellet, i skogen og ved fjorden. Eit aktivt uteliv i Barnas Turlag er med og sikrar borna ei god fysisk og pyskisk helse. Vi dreg mellom anna på fisketur, klatrar, går på ski, og steiker pølser på bål.
Publisert: 22. september 2023
Artikkel
Alle turglade born i alderen 0-12 år blir invitert til å bli medlem i Barnas Turlag i Lærdal.
Vi arrangerar dagsturar i nærområdet. På fellesturane er du saman med mamma, pappa, besteforelder eller ein annan vaksen du kjenner. Ein vaksen turleiar er alltid med og viser veg. Turane passar for alle aldersgrupper dersom ikkje noko anna er skrive. Likevel må dei vaksne sjøl avgjere kva turar som passar for dykkar born. På alle turane har dei vaksne ansvar for eigne born under heile turen.
Alle turane blir annonsert på Facebook, og ved oppslag på skulane og i sentrum.
