Kvam turlag er ein av dei største laga i Kvam herad med rundt 600 medlemmer. Hovudaktivieten er fellesturar, vedlikehald av stiar og tilsyn med turlagshyttene Vending og Breidablik saman med den kommunale dagsturhytta Kvilekroken.
Marita Fosse maritafosse@gmail.com / 95 97 72 55 Styremedlem
Vara: Siri Kaale og Mari Litlebø Storaas
Revisor: Eirik Vevatne
Valnemd: Anna Mo-Bjørklund, Svein Rune Stakseng, Øyvind Soldal
Vedtekter
VEDTEKTER FOR KVAM TURLAG § 1: FØREMÅL Kvam Turlag har som føremål å fremja eit aktivt, naturvenleg og sikkert friluftsliv i skog og fjell.
§ 2: ORGANISASJON OG LEIING Laget er tilknytt Bergen Turlag, som er medlemsforeining i Den Norske Turistforening. Medlemsområdet er i Kvam. Betalt medlemskontingent i DNT gjeld også som kontingent i Kvam Turlag. Kvam Turlag skal ha eit styre på 6 medlemer valde for 2 år, med unnantak av leiar som vert vald for 1 år om gongen. Leiaren og to eller tre av styremedlemene er på val kvart år. Det skal veljast 2 vararepresentantar til styret. Desse står på val kvart år. Styret står fritt til å oppretta arbeidsgrupper eller utval, der ein trekkjer andre inn for å utføra arbeidsoppgåvene i laget. Låneopptak må godkjennast av Bergen Turlag sitt styre og råd.
§ 3: ÅRSMØTET Årsmøtet skal haldast i januar månad og kunngjerast i lokalavisene minst 14 dagar på førehand. Årsmøtet skal handsama desse sakene:
Årsmelding frå styret
Revidert rekneskap frå føregåande år
Eventuelt budsjett for inneverande år
Val på: Leiar, vald for 1 år Styremedlemer, valde for 2 år Varamedlemer, valde for 1 år Revisor, vald for 1 år Valnemd på 3 personar, valde for 2 år
§ 4: VEDTEKTSENDRING: Vedtekstendring krev 2/3 fleirtal av dei frammøtte på årsmøtet.
§ 5: OPPLØYSING AV LAGET Dette krev 2/3 fleirtal av dei frammøtte på årsmøtet. Eigneluter / midlar laget har, tilfell då Bergen Turlag.
