Sogndal Turlag har 25 postar som ligg nær Sogndal sentrum og i Sogndalsdalen. Til alle turpostane går det skilta og merkte stiar. Du finn skildring av turane på DNT sin turapp UT.no.
Alle turane er merka med skilt i starten og raude prikkar undervegs. Posten består av ein postkasse med namnebok. Skriv deg gjerne inn i boka, så ser vi kor mange som brukar stiane!
Bruk gjerne turkartet for Sogndal – Leikanger for å finne fram. NB Punkta på kartet refererer til staden og ikkje nøyaktig der kassen står.
Vi minner om at mange turar går i beiteområde. Pass på å stenge grinder og hald ev. hund i band.
Sogndal Turlag har også lagt turane i appen: Sjekk UT. Appen er gratis, og du finn ulike lister som «fine toppar i Sogndal», og «tur på stien».
