Bli med på Unge Naturtalenter skuleåret 24/25 (ungdom 15-19 år)
Gutar og jenter i alderen 15-19 år er velkomne til å søkje eit gratis, årslangt friluftslivprogram. Vi ser etter motivasjon framfor erfaring! Deltakarane går frå scratch til å bli utdanna turleiarar i DNT’s turleiarstige, med eit breidt spekter av ulikt friluftsliv og opplevingar dei vil hugse resten av livet.
Publisert: 07. november 2023 Skrevet av:
Hege Mundal
Nyhet
Foto; Morten NoremsauneFoto: Morten Noremsaune
DNT Sogn og Fjordane inviterar til Unge Naturtalenter der 12 ungdom vil få delta i eit årslangt program frå august - juni (Skuleåret 24/25). Her vil du få oppleve nye stader i gamlefylket Sogn og Fjordane, få venner for livet, samt kompetanse og brei erfaring innan friluftsliv både sommar og vinter.
Du vil undervegs få:
ferskingkurs (alt frå korleis ein kler seg til korleis ein lagar leirstad eller brukar kart og kompass)
overnatting ute
lære om turmat
toppturkurs
brattkort
våttkort
førstehjelp i friluftsliv
grunnleggjande turleiarkurs.
Etter året skal du sitte att med
Ei rekke flotte naturopplevingar og eit hav av friluftsferdigheiter
Eit solid innblikk i allsidig friluftsliv
Nye vener for livet
Personleg vekst og leiareigenskap
Ulike sertifiseringar og kurs innanfor DNT og andre organisasjoner
Du er sjølvstendig og trygg i norsk natur
Vi set av om lag ei helg i månaden til tur, samling og moro. Totalt 8-10 helgesamlingar fordelt på Sunnfjord, Nordfjord og Sogn. Programmet er ikkje sett i stein, då vi tilpassar noko etter deltakarane som vert med. Ingeborg Kvåle Bruflot (f.2002) vil følgje deltakarane gjennom heile programmet, i tillegg kjem det til å vere ei blanding av mannlege og kvinnelege instruktørar på dei ulike kursa.
Programmet for 2024 er i gong! Sidan nokre deltakarar trekte seg opnar vi for at motiverte ungdom kan ta kontakt med hege.mundal@dnt.no/ tlf 41337213. Då kan ein gjennomføre eit alternativ til første samling og delta felles frå samling to i Veriedeskogen.
Når?
Kvar?
Kva?
15.august kl.19.30
Digitalt
Søknadsfrist 4.august. Deltakarane vil bli kontakta fortløpande etter søknadsfrist.
Felles digitalt intromøte. Info om programmet og første samling.
23.-25.august
Sogndal/ Kaupanger
Oppstartshelg.
Bli kjent
Gruppedynamikk
Fersking i friluft
Overnatting i lavvo på camping.
Veke 38
21.-23.sept
Sandane
Skogstur
Fersking på overnatting
Fersking i Fjellet.
Veke 41 7.-9.oktober
Røde Kors Hytta på Langeland, Sunnfjord
NF 16-timers Førstehjelpskurs. Saman med førre kull "Unge Naturjenter".
Minst ei natt ute, moglegheit for 1natt inne.
November
8.-10. eller 15.-17.
Jølster
Klatring; brattkort!
Nov/Des
Der du bur!
Frivilligsamling
- Bli med å setje turprogram for DNT ung eller bidra i ditt lokallag 2024.
Januar
Dagssamling (valgfritt) Skei i Jølster
Klatring og bålpannekos! Moglegheit for å gjennomføre brattkortprøven.
Nasjonal samling Unge Naturtalenter NPF Grunnkurs Kajakk
Sommarferie
Sogn og Fjordane
Delta på, eller bli med å arrangere aktivitetar for DNT ung.
2026
Dersom ein er aktiv i DNT ung vil ein få tilbod om gratis sommarturleiarkurs når ein har hausta erfaring som turleiar.
Er dette noko for deg eller nokon du kjenner?
Kontakt hege.mundal@dnt.no om du lurer på noko.
Det vi treng frå deg er; tid og motivasjon.
Vi ynskjer ei samansett gruppe med variasjon i både kjønn, alder, kultur og erfaring. Uansett om du er fødd med eller utan ski på beina håpar vi på søknad frå deg som ynskjer å lære meir om friluftsliv. Ps; Vi samarbeidar med BUA om lån av utstyr der ein manglar eige.
Deltakarane vil bli beden om å skrive avtale med DNT Sogn og Fjordane, les denne her. Du treng ikkje vere DNT-medlem for å melde interresse for Unge Naturtalenter, men medlemskap er eit krav for å verte turleiar seinare. Dersom ein ikkje har økonomi til medlemskap (345kr/år) skal vi sjå på løysingar for dette.
