Published: August 01, 2026 Written by:
Hege Mundal
Article
Vil du vere med og skape friluftsglede i nærmiljøet? Frivillige er hjartet i Indre Sunnfjord Turlag. Kvart år bidreg dei med hundrevis av timar for å arrangere turar, merke stiar, ta vare på hytter og skape gode naturopplevingar for barn, unge og vaksne.
Vi har plass til fleire på laget, enten du ønskjer å bidra ofte eller berre av og til.
Det finst oppgåver for alle Du treng ikkje vere turleiar eller ha lang erfaring frå friluftsliv for å bidra. Det viktigaste er at du har lyst til å vere med.
Du kan til dømes bidra med:
Barnas Turlag og DNT ung
Turleiing og aktivitetsleiing
Sti-, merke- og dugnadsarbeid
Tilsyn og vedlikehald av hytter
Arrangement og aktivitetsdagar
Styre- og nemndsarbeid
Foto, nettsider og sosiale medium
Kart, turforslag og friluftsinformasjon
Akkurat no har vi særleg behov for
Hyttetilsyn ved Longevasshytta
Leiar for hyttestyret
Frivillige til Barnas Turlag i Førde
Samtidig er vi alltid glade for å kome i kontakt med nye frivillige, uavhengig av interesse og erfaring. Du treng ikkje vite nøyaktig kva rolle som passar for deg før du tek kontakt.
Kor mykje tid må eg bruke? Det bestemmer du sjølv. Nokon bidreg på ein dugnad eller eit arrangement i året, medan andre er turleiarar, hyttevertar eller sit i styre og nemnder.
Alle bidrag er verdifulle, store som små.
Kva får du att? Som frivillig får du:
Vere del av eit sosialt fellesskap
Nye naturopplevingar
Moglegheit til å lære nye ting
Kurs og kompetanse gjennom DNT
Høve til å gjere ein forskjell i lokalmiljøet
Turlaget dekkjer normalt kurs og opplæring som er relevante for rolla du har som frivillig.
Korleis melder eg meg som frivillig? Registrer deg i DNT sitt frivilligsystem:
Du brukar same innlogging som på Min Side på dnt.no.
Usikker på korleis du kan bidra? Ta gjerne ein kikk på aktivitetskalenderen og tilbodet vårt for å sjå kva vi driv med gjennom året. Ta kontakt med oss på indresunnfjord@dnt.no eller telefon 413 37 213. Vi tek gjerne ein uforpliktande prat om kva oppgåver som kan passe for deg.
Velkomen som frivillig i Indre Sunnfjord Turlag!
Informasjon til tur- og aktivitetsleiar i Indre Sunnfjord Turlag
Turleiarrettleiar Dette er ei rettleiing for planlegging og gjennomføring av turar. Her finn du kva som er ditt ansvar og kva org.medarbeidar kan hjelpe deg med.​​​​​​​ Elles er turleiarhandboka ditt oppslagsverk.
Her finn du mal for turskildring som skal nyttast som eit verktøy for å skriva turskildringar. Bruk denne malen for å skildra turen du skal leia og send informasjonen til indresunnfjord@dnt.no.
Indre Sunnfjord Turlag ynskjer at du fyller ut risikovurdering gjennom tilsendt lenke i DNT Trygg, men det går også fint å sende utfylt skjema pr.e-post.
Har du hatt utgifter ved ein tur eller dugnad? Send inn kvitteringar og utfylt reiserekningsskjema til indresunnfjord@dnt.no Utleggskjema Frivillige.xlsx
Alle dugnadstimar skal rapporterast inn til DNT sentralt, samt visast i statistikk på årsmøte/årsmelding. Notèr ned antal dugnadstimar du har jobba og rapporter inn til leiaren i gruppa di. Har du til dømes gjort noko arbeid for stinemnda og noko for hyttestyret, sender du timane dine til to gruppeleiarar separat.
Å verte turleiar i DNT
Sjå meir om kva ein gjer som turleiar i DNT og kva kurs som krevst. Som aktiv frivillig i Indre Sunnfjord Turlag kan du søkje styret om å få dekka eventuelle kursavgifter.
