Onsdagstur til Varpet

Det var 8 glade turgåarar som møtte opp på kaia. Det blei felles køyring til Tenål, der vi starta turen opp Tenålsmarki. Fyrste vegstykket var ganske bratt, men så blei det betre. Vi gjekk forbi ein stor stein med ei huldrehistorie før vi kom til fyrste utsiktspunkt med fin utsikt over Vik sentrum og Bøsdalen. Så gjekk turen vidare opp til Abnastøl og Varpet. På Varpet hadde vi ein lengre pause, og jamen fekk vi eit musikkinnslag på turen denne gongen óg, Torstein spelte to fine melodiar på munnspel. So gjekk vi vidare på skogsveg og nedover igjen gjennom flotte beiteområde, til vi kom på Hagavegen og til Steim. Siste etappen gjekk via Følid tilbake til Tenål. Takk til alle som var med!

Foto: Karen Weichert