Onsdagstur frå Refsdal gamle kraftstasjon til Rislåg

Det var bra oppmøte på årets fyrste onsdagstur frå Refsdal gamle kraftstasjon til Rislåg. Det var 22 personar som ville ta turen. Vi startar med ei kort omvising på Refsdal gamle kraftstasjon. Takk til Knut Hovland for interessante opplysingar og historier, t. d. om «galehesten». Etterpå gjekk vi opp trappa langs røyrgata og inn på stien og etter kvart traktorvegen til Rislåg. Takk til Nils Gunnar som viste veg og ryddar sti. Då vi kom fram var geitemjølkinga i full gang. Vi avslutta turen med at alle skreiv seg inn i onsdagsturboka og to fine låtar på munnspel. Takk for musikken, Torstein!