Haustferien er like rundt hjørnet – kva med å bruke han til frisk luft, stillheit og vakker utsikt? 🥾
Øvre Skar er ein gamal husmannsplass som ligg knapt 600 meter over havet i fjellsida ovanfor Harpefoss i Sør-Fron. Her får du både kulturhistorie og natur i same pakke!
Publisert: 03. oktober 2025
Nyheter
Foto: Helle Hovden
Plassen ligg midt i kryssingspunktet av Peer Gynt-stien og Pilegrimsleia, og er ein viktig del av stinettet som bind saman aust- og vestsida av Gudbrandsdalen. Turen hit gir deg både eventyrleg utsikt og ein smak av gamle dagar.
✨ Overnatting med særpreg Øvre Skar består av to små hus:
🔥 Eldhuset med to sengeplassar, vedomn og propan til matlaging
🌲 Stabburet med fire sengeplassar, propan til mat og oppvarming
Perfekt for deg som vil oppleve eit enkelt, men stemningsfullt opphald.
💰 Pris
Born under 14 år: Gratis
Kvile/bruk av hus: kr 50 pr. turfølge
Overnatting: kr 150 pr. person
Betal via konto 2085 25 02399 eller Vipps til 118418.
🔑 Praktisk info Husa har kodelås. Koden får du ved å ringe:
Pilgrimssenteret Dale-Gudbrand v/ Per G. Hagelien: 45 60 46 08
DNT Gudbrandsdalen v/ Helle Hovden: 94 88 42 80
DNT Gudbrandsdalen v/ Kristen Brendhaugen: 95 81 86 73
🍁 Tips: Pakk niste, gode sko og ta med familien eller vennegjengen. Nyt fargane, stilla og historia som ligg i veggane på Øvre Skar. Ein hausttur du garantert vil hugse! 🌄
Staburet har fire dengeplasser. Gass til mat og oppvarming. Hugs å ta med eigne sengeklede eller sovepose om du skal overnatte. Foto: Helle Hovden
Eldhuset har flott utsikt, to sengeplasser, vedfyring og gass til matlaging. Foto: Helle Hovden
Takk til dei friviljuge som har tilsyn med Øvre Skar og ser etter at alle besøkjnade forlet plassen like fin som da dei kom. Foto: Helle Hovden
Nytt gjerne veden til å gjera opp i omnen i eldhuset. Foto: Helle Hovden.
