Det blei nokre interessante historietimar då Sverre Øigarden viste oss rundt og fortalde om plassane ved Berge i Fjågesund.
Vi starta på Su-Berge og gjekk opp til Holt. I øvre kant av jordet her kunne vi sjå murar etter den gamle plassen Slåttekosi På veg ned til Heim-Berge kikka me på tydelege tufter etter hus ein meinar kan vera Øverberg, ein plass under Berge. Deretter stoppa vi ved Underberg før vi vandra ned til Kasin/Bergland. Her var det folk heime og vi fekk helse på.
I det fine vêret kunne vi ete matpakka vår med ei flott utsikt - på Utsikten. Og så fekk vi helse på geitene til Sverre.
Vi takkar Sverre, og Erling, for god omvisning og informasjon
