Vil du jobbe med friluftsliv i hjartet av Gudbrandsdalen?
Er du glad i folk, friluftsliv og gode naturopplevingar? Har du lyst til å bidra til aktivitet og engasjement i lokalmiljøet?
Då kan dette vere jobben for deg!
Publisert: 03. juni 2026
Nyheter
Foto: DNT Gudbrandsdalen
DNT Gudbrandsdalen søkjer medarbeidar i 60 % stilling i to år!
Vi søkjer ein engasjert og sjølvstendig medarbeidar som vil vere med på å utvikle og styrkje aktivitetstilbodet, støtte frivillige og skape gode naturopplevingar for barn, unge og vaksne i Gudbrandsdalen.
Arbeidsoppgåver
Oppfølging av frivillige og arbeid med nettverksbygging
Planlegging og gjennomføring av turar, aktivitetar og arrangement
Arbeid med digitale system (m.a. aktivitetssystemet, DNT Trygg og UT.no)
Marknadsføring og synleggjering av aktivitetar og tilbod
Bidra til utvikling av nye aktivitetar og samarbeid
Vi ser etter deg som
Er sjølvstendig og tek initiativ
Er positiv og løysingsorientert
Har eigne meiningar og kjem med innspel
Har gode evner til å byggje relasjonar og nettverk
Gjerne har lokalkunnskap og/eller nettverk i Midtdalen og/eller Dovre og Lesja
Har gode digitale ferdigheiter
Har interesse for – og gjerne erfaring med – marknadsføring
Er fleksibel og trivst med varierte arbeidsdagar
Vi tilbyr
Ein meiningsfull jobb i ein organisasjon som fremjar friluftsglede
Varierte og spanande arbeidsoppgåver
Moglegheit til å påverke og utvikle aktivitetstilbodet i regionen
Eit inkluderande og engasjert miljø
Løn etter avtale
Praktisk informasjon
Stillingsprosent: 60 % i 2 år Arbeidsstad: Hovudkontoret er i Skjåk, men heile Gudbrandsdalen er aktuelt som arbeidsområde. Arbeidsform:
Gode moglegheiter for heimekontor
Ein del av samarbeidet med dagleg leiar vil skje digitalt
Noko kvelds- og helgearbeid må påreknast
Vil du vere med og skape friluftsglede for fleire?
Er du usikker på om du passar perfekt til stillinga? Vi oppfordrar deg likevel til å søkje eller ta kontakt for ein uforpliktande prat.
