Besøk eit trolltre!

Vi gjenntek suksessen frå 2021 med Trolltre i Gudbrandsdalen. Inspirert av minaogmeg pyntar vi små trolltre som er trivelege turmål i advent og juletida. 

Trolltrea i lista under her er i regia av DNT Gudbrandsdalen og pynta av våre frivillige. På www.minaogmeg.no finn du oversikt over trolltre i heile Noreg. 

Tagg gjeren bileta dine med @dntgudbrandsdalen @minaogmeg #trolltre #trolldrøm

Oversikt over trolltre i Gudbrandsdalen (lista blir oppdatert fortløpande):

Nord-Fron

• Dagsturhytta på Vinstra - treet ligg i nærleiken av den nye dagsturhytta.
• Sorperoa, Vinstra

Sel

• Thokampen - Parker på “busslomme”, der det er merka stig til Pillarguritoppen og Thokampen. Følg merka stig mot Pillarguritoppen, så vil du sjå trolltreet etter om lag 7 minutt. 

Lom 

• Presthaugen - Bygdamuseum sentralt i Lom. Treet finn du inne mellom dei gamle husa. 

Skjåk

• Geitryggen - Følg bilvegen innover Nørdre-Dalom og fortsett langs traktorvegen som går på austsida av elva Skjøle innover mot Lundadalen. Trolltreet finn du oppe på Geitryggen ved bålplassen.

Dovre

• Kirkestuehaugen - Gå frå Dovre sentrum eller parkeringa ved Dovre kyrkje. Følg oppbrøyta ved forbi det grøne huset ved parkeringsplassen, over E6/tunneltaket ca 500 m. Hald til høgre etter oppned-akebakken. Etter 100 m. ser du ein lavvo, hoppbakke og eit Trolltre. Ein veg tek om lag 15 min. lett tilkomst og tilgjengeleg for alle. 

Lesja

• Gapahuken ved Sør-Sletten på Lesjaskog- Fin tur frå Bryggeosen eller Tandsetervegen.
• Bjorli. Parker på parkeringsplassen før ljosløypa i Bølia. Det er om lag 50 meter å gå til treet.

Vågå

• Ta dykk ein pust i førjulstria og gå frå Sandbakken og opp til parkeringa ved gamle skitrekkhuset/ Jetta, så vil dykk finne eit trolltreet. 

Er det ikkje noko trolltre der du bur i Gudbrandsdalen? Ta kontakt med Anita på tlf. 99712677 eller anita.haugen@dnt.no om du vil bidra med å pynte eit tre. 

Alle trea vil bli rydda inn mellom 13. - 20. januar.