2025 var Friluftslivets år. På vårt årsmøte tek me eit tilbakeblikk på alle dei flotte aktivitetane me hadde i løpet av året.
Publisert: 21. januar 2026 Skrevet av:
Heidi Reisegg Endal
Inspirasjon
Den første delen av årsmøte vert nytta til gjennomgang av vanlege årsmøtesaker. Det er ikkje meldt inn nokre saker til styret, så det vert ordinære årsmøtesaker.
Ei av sakene på vårt årsmøte er vedtektsendring. På DNT sitt landsmøte i 2025 vart det vedtatt at foreininger og lokallag skal endre sine vedtekter ihht nye vedtekter som er utarbeidd av hovudstyre i DNT. Les meir om bakgrunn for vedtektsendring HER
DNT Øygarden sine nye vedtekter blir då grundigare enn det dei har vore hittil. Dette sikrar betre prosessar i styret sitt arbeid, og sikrar meir likskap mellom lokallaga. DNT Øygarden er positive til dei nye vedtektene. Forslag til nye vedtekter finn de HER
Siste årsmøtesak er val. Valnemnda har foreslått to nye styremedlem og eitt nytt varamedlem. I tillegg er det foreslått ein ny kandidat til valnemnda, slik at valnemnda blir fulltallig ihht vedtektene. Valnemnda si innstilling til styre finn de HER.
Alle er velkomne, men me minnar om at det er berre medlemmar i DNT Øygarden som har røysterett ved vedtektsendringa og valet.
Etter årsmøte blir det spennande foredrag ved marinbiolog og dykkarinstruktør Gaute W. Seljestad.
