Triveleg bål- og aktivitetsdag ved Furustrand

Arrangementet var eit samarbeid mellom DNT Valdres, Øystre Slidre kommune og Røde Kors.

Eventyrstunda i den nye dagsturhytta var så populær at det måtte til fleire rundar, og minst like kjekt var kanefart på den nye turvegen ved Furustrand, i hestevogna med Torgeir Svalesen som kusk.

Då det mørkna var det tid for lommelyktløype, ein natursti der små og store prøvde å kjenne att bilete av ulike dyr og fuglar – og spor etter desse. Og heile tida var det fyr i to bålpanner, og servering av varm saft og nygrilla pølser i lompe, alt gratis.

Grunna mildvêret måtte aktivitet på ski og skeiser avlyst, men folk kosa seg i fint vêr med fargesprakande himmel som kulisse