Fellesturar er opne turar der du kan bli med saman med andre, leia av erfarne turleiarar. Det er ein sosial og trygg måte å kome seg ut på tur, utan at du treng å planleggje alt sjølv.
Du treng ikkje kjenne nokon frå før for å delta. Fellesturar passar for deg som vil ha turfølgje, bli kjent med nye folk eller oppdage nye turmål – enten du er ny i området eller har gått mykje i fjellet før.
Turane finst i ulike lengder og vanskegradar – frå enkle nærturar til lengre fjellturar. Dei blir leia av frivillige turleiarar med god lokalkunnskap og erfaring.
På fellestur får du:
gode naturopplevingar i lag med andre
turar med ulikt nivå og tempo
tilbod over heile fylket
Som deltakar har du ansvar for å velje ein tur som passar for deg, og å stille med nødvendig utstyr. Les alltid turbeskrivinga nøye før du melder deg på.
I aktivitetskalenderen kan du enkelt finne turar ved å filtrere etter dato, kommune, nivå, målgruppe eller type aktivitet.
