Indre Nordfjord Turlag (INT) er lokalisert i Stryn og Hornindal. Vi er eit lokallag av DNT Sogn og Fjordane .
INT arrangerer årleg ein rekke helgeturar, i tillegg arrangera vi onsdagsturar i sommarmånadane. Ta kontakt med lokallaget for meir informasjon..
Indre Nordfjord Turlag er DNT sitt lokallag i Indre Nordfjord, og skipar til fjell- og breturar i heile distriktet. Som turleiarar har vi erfarne fjell- og breførarar som tek deltakarane trygt fram i den storslåtte og mektige fjellnaturen i området vårt.
På turane våre kan du oppleve dei fantastiske kontrastane det er å gå frå grøderike dalar med fjordar, elvar og vatn, oppover grøne lier, oppleve den mektige blåisen som heng nedover fjellsidene og vandre over snødekt, skinande kvit isbre, der nakne steinmassiv av og til stig opp over breen. Ei naturoppleving det knapt finst maken til!
Barnas Turlag er ei undergruppe til Indre Nordfjord Turlag og vart starta i 2005. Vi arrangerar turar primært for barn i alderen 0-12 år, men alle er velkomne til være med oss på tur. Det kan være tur til fots, på ski,skøyter, kano eller overnattingsturar.
DNT Indre Nordfjord Turlag - Rute / Sti - Hytteutval
På årsmøte 6. desember 2022 vart det vedtatt å opprette eit eige sti - rute og hytteutval i Indre Nordfjord Turlag.
Utvalet sine arbeidsoppgåver;
Mandat til å vedlikehalde stiar opparbeidd i INT - regi, merking og val av rute til nye stiar. Samarbeid med grunneigarar/Nasjonalparkstyret/ bygdelag m.fl. Ansvar for avtalar med eigarar av hytter turlaget driftar, inkludert dagsturhytta som er eigd av Stryn Kommune.
