Trivelig kveldstur til Saurshøgde 1. juli – Kremtopp 2026
Turfylgjet på 9 fekk to fine timar i godt turvêr og opphald, sjølv om gråvêr og regnskurer truga i fleire retningar rundt oss.
Published: July 14, 2026 Written by:
Tor Harald Skogheim
Trip report
Registreringspause på toppen av Saurshøgde. Bak går det skurer over Skaget og Langsuene.Photo: Tor Harald Skogheim
Saurshøgde ligg nær stølen Sørre Trollåsen i Øystre Slidre, og er blant dei 12 i Kremtoppjakten 2026. Veldig lettgått og familievennleg tur på god sti.
Starten gjekk opp gjennom fjellbjørkeskog, til dels på fine bergryggar. Tunge skyer både rundt Skaget i nord og Jotunheimtindane i vest snytte oss for delar av utsynet på veg oppover, men Mellane var lette å finne. Siste delen av turen kom vi opp frå skogen, og så var det lett kupert fram til høgste punktet på eit vidt platå.
Triveleg matpause, i alle fall fram til insekta vart for nærgåande. Foto Tor Harald Skogheim
Etter at alle hadde fått registrert toppen på mobilen vart det ein kort matpause, som truleg hadde blitt lengre om ikkje ein del insekt begynte å bli plagsame. På returen letna det i vest, så vi fekk sjå toppane så langt som til Uranostinden. Det var ekstra kjekt, for Saurshøgde har uventa vidt og flott utsyn.
