6. september inviterer me til gratis turfest for store og små over heile distriktet. Gjer deg klar for Kom deg ut-dagen 2026!
Published: August 18, 2026 Written by:
John Petter Nordbø
News
I NÆRLEIKEN: Kom deg ut-dagen finn du der du bor! Her frå Herdla på Askøy i fjor.Photo: Tina Elizabeth Eielsen Dale
Kom deg ut-dagen er heile Norges turdag, og kvar haust og vinter kjem barnefamiliar saman til små og store arrangement over heile landet. Turdagen er heilt gratis, og du treng verken dyrt utstyr eller erfaring for å vera med.
6. september vil me ha DEG med på tur!
– Kom deg ut-dagen er ein festdag me alltid gler oss til. Det er så kjekt å treffa barnefamiliar og sjå folk kose seg ute, seier Birgithe Roald, leiar for aktivitet i Bergen og Hordaland turlag.
Pssst! Kom deg ut-dagen er perfekt for deg som er tante, onkel, besteforelder eller berre ein god ven av ein barnefamilie. Kanskje dette er helga du skal tilby deg å vera barnevakt, og gjera noko gøy med ungane?
