DNT Ung Voss har i to år arrangert Bucketlist! Me treng ungdom til å vera med og vidareutvikla konseptet. Er du mellom 13 - 19 år vil me gjerne høyra frå deg.
Published: June 02, 2025
News
Bøtta ved aktivitetsparken på Prestegardsmoen. Photo: Sofie Hagland Børseth
Vil du vera med å arrangera Bucketlist i 2027? Dette er eit kjekt konsept for ungdommane om sommaren, og me treng frivillige til å vera med å laga aktivitetar til Bucketlist. Ta kontakt med oss om du er nysgjerrig og vil vita meir om konseptet. Send ein e-post til voss.utferdslag(at)dnt.no eller stikk innom kontoret vårt i Bonangergata 6.
Om Bucketlist
Bucketlist er eit sjølvgåande konsept utvikla av DNT Ung Voss for alle ungdom i regionen vår. På appen finn ein eit mangfald av aktivitetar som ein kan gjera frå juni - august. Ein får poeng for alle aktivitetane som ein gjennomfører ved å dokumentera dei (bilete, tekst, video og gps). Aktivitetane kan ein gjera åleine, saman med vener eller familie.
Døme på aktivitetar er å gå til Lønahorgi (gps), synkronsymjing (video), lag eit måltid ute (bilete/video), besøk Bordalsgjelet (gps), sykkeltur i Bømoen (bilete), gjer noko fint for andre (bilete), sylt i veg (bilete), omtale av ei bok (tekst).
Trekking av flotte premiar
Alle som har over halvparten av poenga er med i trekninga av kule premiar.
Deltakaren med flest poeng i kvar periode og aldersgruppe er får eit gåvekort frå Voss Sentrum til 2000 kr.
Me vil retta ein stor takk til Sparebanken Vest som har gjeve oss Hjartebank-midlar til å vidareføra dette konseptet.
