Forrige torsdag arrangerte Dnt Ung avslutningsfest for årets bucketlist🤩🥳
Published: September 11, 2025 Written by:
Sofie Hagland Børseth
News
Photo: Tuva Aasheim Solstad
Foajeen på Gamle kinoen var booka for anledninga, og me var så heldige at fleire frivillige fra utferdslaget hadde baka kaker til ungdomane.
Kvelden starta med leikar ute på Tinghusplassen. Det blei god stemning med fleire rundar av både "rødt lys" og "sheriffen".
Etterpå blei det kakespising og litt mingling, før Bucketlistkomiteen viste fram nokon høgdepunkt frå bucketlistperioden (frå juni til august).
Deretter blei topp tre av dei over 120 deltakarane som var med i år premiert med gjeve gåvekort. Det blei også delt ut mange fine premiar frå kjekke sponsorar til alle som deltok på arrangementet i form av loddtrekning. Premiane var alt frå blant anna tandemhopp og heiskort, til spa og middag.
På tampen blei det ein liten takketale til styremedlemmer som no har gjeve seg.
Dnt Ung er på utkikk etter fleire styremedlem og frivillige. Dei inviterar derfor til ope styremøte med gratis pizza den 18. September kl. 19-21 i Bonangergata 6. Meir info om dette kan du lesa her.
