Bli med Gålaget på føremiddagstur frå april til november!
Published: July 17, 2023
Article
Denne spreke gjengen går tur onsdag føremiddag frå april til november. Årdal Gålag har turar som lette til middels tunge. Er du turglad, vil koma i betre form og ha triveleg turfølge, så kom deg over dørstokken og bli med! Gålaget lovar deg fine turopplevingar der du vil bli betre kjend i dei flotte turområda vi har i og rundt Årdal.
Programmet til Gålaget finn du i eige turprogram som vert lagt ut på sporten i Øvre Årdal. Kvart år vert det sett opp mange flotte turar både i Årdal og i nabobygdene. På desse turane er det vanlegvis med kjentmenn som kjenner namn og historia til stadane ein går forbi. Dårleg ver hindrar ikkje turgjengen i å møte opp - tur blir det alltid, men det kan verte endringar i programmet på kort varsel. Meld deg inn i gruppa til Årdal Gålag på Facebook for å få med deg siste nytt!
