Luster Gålag er ei nystarta undergruppe av Luster Turlag. Målgruppa er seniorar, og det vert lagt opp til lettare fellesturar i sommarhalvåret i eigen kommune og i nabokommunane. Turane vil gå torsdagar på dagtid. Programmet finner du nederst på sida.
Er du turglad, vil koma i betre form og ha triveleg turfølgje, så vinn over dørstokkmila og bli med! Det er elles alltid noko nytt å høyra og læra på slike turar.
Turane er på Luster Turlag si nettsida merka med lett (L), middels (M) og krevjande (K) med seniorar som referansegruppe.
Turprogrammet for 2026 er klart, og du finn det i utsend folder eller på heimesida til Luster Turlag. Kvar fredag i veka før tur vert det lagt ut ei meir detaljert orientering om turen. Startpunkt vil ein få vita då, og det er viktig at deltakarane samkøyrer derifrå. Passasjerar betaler eit avtalt kronebeløp til sjåfør/bileigar alt etter kor lang køyreturen er.
Dei som melder seg på, må sjølve vurdera sine føresetnader ut frå vanskegrad og turbeskrivelse.
Ta med på turen :
Gode sko og kle
Regnkle om veret tilseier det
Litt ekstra varmt tøy i sekken
Niste og drikke. Matpause vert alltid lagt inn
Stavar for dei som ønskjer det
Alle turar har turleiar, og på mange av turane vil det i tillegg vera med kjentkvinne/-mann
Årskontingent for dei som ikkje er medlemar av DNT/Luster Turlag er kr. 200.
Ønskjer du å bli medlem i gålaget, betaler du kr. 200 i årskontingent til konto 3785.20.06162. Merk betalinga med: Medlem Luster Gålag 2026.
