Oppskrifta på eit uteår

Vintertur med DNT ung til Hallingskeid Foto: Hanna Eskeland

2017 kan bli tidenes friluftsår, og det treng ikkje vera vanskeleg. Her er enkle tips for å nå målet.

Bestem deg for å besøka minst ei ny DNT-hytte. Eller kva med tre totalt - ei skogshytte, ei fjellhytte og ei kysthytte? DNT har 538 unike hytter å velja mellom.
Ta ei #nattinaturen. Førebu deg godt - sjekk kva du treng her.
Set av tid til planlegging og gjennomføring av ein langtur i et fjellområde du alltid har drøymt om å gå i.
Meld deg på eit kurs og bli ein reser på turmat, navigering eller isklatring.
Hugs Miljøvett. Fiks utstyret i staden for å kjøpa nytt. Eller kjøp brukt.
Meld deg på fellestur og prøv ein friluftsaktivitet du aldri har prøvd deg på før.
Inviter til ein date under stjernene. Med eller utan pledd, termos, bål eller bobler.
Bursdag, jubileum, fest? Ta det ute med skinnfell, bål og varm drikke. Garantert noko gjestene vil hugsa.
Set deg på sykkelen eller gå til jobben.
Bli med på nærtur og bli betre kjend i området der du bur. DNT arrangerer turar over heile landet.
Sjekk ut.no. Finn 900.000 stader i Norge, over 10.000 turforslag og 1200 hytter.
Lag refleksløype. Heng refleksane opp i tre og buskar og ta med deg borna. Hugs lommelykt!
Bli en turkokk! Prøv til dømes å tilbereda og eta èin søndagsmiddag i månaden ute.
Invitèr med deg ein ven og ta oppdatering på livet til skogs i mørket, men med hovudlykt.
Og sist, men ikkje minst - bli medlem av DNT! Då gjer du det mogeleg for oss å tilby merking av 22 000 km stiar på sommarstid og 4300 kvista kilometer på vinterstid. Så; i tillegg til at du gjer noko bra for deg sjølv, bidreg du til at tusenvis kan få like flotte opplevingar som dei du jaktar etter.

Foto: Aust-Agder Turistforening