Dale - Ramsfjell - Indre Eiane

Fellestur

Dato
12. september kl. 10:45 - 16:30
Vanskelighetsgrad
Krevende  
Passer spesielt for
Voksne, Fjellsportinteresserte
Turtyper
Fellestur, Fottur, Bratt, Fjordutsikt, Kulturlandskap, Fjellgardar, Ulendt, Ramsfjell
Arrangører
Hjelmeland Turlag, Stavanger Turistforening
Turområde
Ryfylkeheiane (se kart)
Dette arrangementet er over!

Jøsenfjorden ut :  I løpet av to dagar kan du bli med på vandring Jøsenfjorden ut. Du kan bli begge dagane, eller berre ein.

Første etappe lørdag 12.sept : Dale - Ramsfjellgardane - Indre Eiane. 

NB! Pga koronarestriksjonar har turen avgrensa tal deltakarar + påmelding. Klikk "Meld deg på" til høyre. Turen vil bli tilrettelagt i tråd med gjeldande smittevernreglar. 
Oppmøte 10.45 i Eiakrysset ved Indre Eiane, dvs krysset mellom RV13 og fylkevegen mot Jøsenfjorden for samordning av bilar.  Kjøring inn til Dale. Turen startar frå Dale ca kl 11.00 

Me startar nesten heilt inne ved bygda Jøsenfjorden, nærare bestemt på garden Dale, 120 moh. Me går oppover og utover.  Terrenget stig raskt og brutalt på opp frå Dale. Stien opp frå Dale er bratt og ulendt, og første del er det ein del ur.  Du bør like og vere vandt til å gå i ulendt terreng.  Stien mellom Dale og Ramsfjell er "nødla" (merka),  men stien er lite i bruk og held på å gro att.
På veg opp mot Indre Ramsfjell-garden som ligg 480 moh.opnar landskapet seg opp, og me får flotte blikk ut mot fjorden. 

Vel oppe på Indre Ramsfjell tar me ein liten rastepause.  Herfra går ruta høgt og luftig frå gard til gard mellom desse tre legendariske Ramsfjellgardane. Desse veglause, fråflytta gardane ligg høgt og bratt over Jøsenfjorden, med mektig utsikt og kulturlandskap som fortel historier.  Indre Ramsfjell, Midtre Ramsfjell og Ytre Ramsfjell ligg som perler på ei snor, med fin sti i mellom.  Her var det eing gong rikt folkeliv og aktiv gardsdrift.  Siste garden blei fråflytta i 1955.   Alle gardane ligg på over 400 moh, med snauheia like bak tuna.  Me går innom alle tuna. Frå siste tunet på Ytre Ramsfjell går me først vidare utover og deretter bratt nedstigning ned til Indre Eiane, krysset mellom RV13 og fylkesvegen. Siste del av stien er stadvis tilgrodd og stadvis ganske god. Det er òg her ulendte, bratte parti.  

Oppmøte kl 10.45 Eiakrysset v Her samordnar me bilar, og kjører inn til Dale. Oppstart frå Dale ca 11.00.

Terrenget er bratt og ulendt både opp og ned, så ha på gode sko og gode klær og godt med mat og drikke.  Turen passar for dei som er turvandt og likar ulendt terreng. 

Dale - Ramsfjell - Indre Eiane

Jøsenfjorden ut :  I løpet av to dagar kan du bli med på vandring Jøsenfjorden ut. Du kan bli begge dagane, eller berre ein. Første etappe lørdag 12.sept : Dale - ...

Kontaktinformasjon:

Turleder:

  • Svanhild Hjorteland Gbada